كيف تكتب موضوع أو تضيف صورة أو ملف ؟؟؟ ضروري لكل الأعضاء

إخواني الكرام / كل أعضاء المنتدى الكرام

كيف تكتب موضوع أو ترفع صور للمنتدى ؟؟

كيف تكتب موضوعاً ؟

لو عايز تكتب موضوع لازم تحدد الأول هتكتب موضوعك فين ؟؟

ادخل القسم اللى عايز تكتب موضوعك فيه وهتلاقي فوق على إيدك اليمين مكتب كلمة " موضوع جديد" اضغط عليها واكتب عنوان الموضوع وبعدين الموضوع نفسه.

يعني لو موضوعك يخص مشكلة معينة ومناقشة عايزها مع الاعضاء يبقه تروح قسم الفضفضة ،، ولو عايز حاجة خاصة بالكمبيوتر يبقه عليك وعلى قسم الكمبيوتر

والبرامج ولو تحب تتكلم عن فكرة معينة يبقه عليك وعلى قسم بادلنا بفكرة لصالح القرية ،، أما إذا كنت في موضوع إسلامي تروح على ركن الإسلاميات

وتضيف موضوعك ،، كذلك للأخوات في المنتدى فيه ركن حواء وكل ما يخصها ،،،

رجاءاً طبعا من الكل يركز وياخد باله وهو بيكتب الموضوع عشان يخصص القسم المناسب ،، لأن مثلاً تلاقي واحد كاتبلك مشكلة في قسم التسلية والمرح ،،

وواحد تاني كاتبلك نكتة في قسم الإسلاميات " طبعاً ده مش هينفع " لازم المنتدى يبقه مترتب في الموضوعات والأقسام وكل حاجه باختصاصاتها ..



ثانيا : نيجي بقه لو عايز ترفع صورة أو ملف على المنتدى تعمل إيه ؟؟؟؟

أولا انت الصورة تحدد هي فين الأول ؟؟؟

يعني نفترض انها موجوده على جهاز الكمبيوتر بتاعك .

فيه مواقع خاصة لرفع الصور والملفات ،، المفروض يكون ليك حساب في أحد هذه المواقع وفي مواقع بترفع عليها الصور من غير ما يكون ليك فيها حساب،،

هندي هنا مثال على المواقع دي ... وده موقع العملاق أشهر هذه المواقع

1- http://www.0zz0.com/index.php

طبعا هاتقلى ومنين اجيب رابط الصورة


http://www.0zz0.com/ هارتوح حضرتك على الموقع ده

وتدوس upload او رفع الصورة

اضغط على كلمة Browse

حمل الصورة من المكان اللى موجوده فيه على جهازك

واضغط موافق أو open

بعدين اضغط رفع الصورة

وأخيرا بعد ما الصورة تترفع على الموقع تقدر تاخد الرابط بتاعها اللى موجود تحت الصورة تحت كلمة " رابط للمنتديات "

الرابط ده تاخده كوبي يعني تاخد منه نسخه وتروح تلصقه في مكان الرد بتاعك هنا في المنتدى بدون ما تضيف ليه اى حاجه ولما تيجي تستعرض الموضوع قبل ما تسجل مشاركتك هتلاقي الصورة ظهرت

يارب الموضوع يكون واضح ولو برضو مش واضح ياريت تقولولى عشان نحاول نوضح الصورة أكثر...


على سبيل المثال هنا الصور اللى بنضيفها دي بتبقه عبارة عن رابط في الأول لكن في الرد بتظهر صورة ..

تقبلوا تحياتي ويارب نشوف كل الردود مزينة وكل الأعضاء ليهم توقيعات صور معبرة .